Ein av dei viktigaste institusjonane i landet for historia om okkupasjonstida og motstandskampen under andre verdskrigen. Her har vi samla autentiske gjenstandar, fotografiar og dokument som gir eit unikt innblikk i motstandskampen frå 1940 til 1945.

Norges Hjemmefrontmuseum vart grunnlagt av ei rekkje sentrale skikkelsar i organisasjonane som utgjorde heimefronten, både sivilt og militært. Dei ønskte å styrkje den kollektive viljen til vern av den nasjonale fridommen, og elles bidra til ei framleis sterk oppslutning om våre demokratiske verdiar.

På toppen av Akershus festning finn du museet som sidan 1995 har vorte drive av Forsvaret. Museet skal styrkje kunnskapen om okkupasjonstida, gjennom innsamling, forvaltning og presentasjon av gjenstandar, bilete og dokument. Gjennom ei imponerande arkivsamling dokumenterer museet historia om motstandskampen frå 1940 til 1945 – ein historie som framleis ber på viktige lærdomar for vår tid.